"Érase unha vez un rapaz que aos cinco anos aprendeu a ler. Iso cambioulle a vida. Grazas aos libros de aventura que lía, descubriu unha maneira de escpapar da pobre casa, do pobre país e da pobre realidade en que vivía, e trasladarse a lugares marabillosos, espléndidos, con seres fermosísimos e cousas sorprendentes onde cada día, cada noite, significaba unha maneira intensa, aventureira e novidosa de gozar. Gozaba tanto lendo historias que, un día, este rapaz, que xa era un mozo dedicouse tamén a inventalas e escribilas. Facíao con dificultade pero, ao mesmo tempo, con felicidade e gozando cando escribía tanto coo cando lía." Brindis de Vargas Llosa ao recibir o Premio Nobel de Literatura"
Os contos infantís cobran vida nos novos tabletas dixitais
Fina Casalderreyestrea unha aplicación na que sairán outros cinco contos editados por Galaxia. Un «software» desenvolvido en Galicia permite personalizar as historias con voces propias.
No noso grupo de Bibliokolegas temos a sorte de contar co talento de Almudena Janeiro, quen nos agasallou na última xuntanza cunha fermosa primicia: unha nova canción, esta vez arredor do conto de Anthony Browne, 'O libro dos porcos. Como xa nos ten demostrado, a música e os libros fan unha fantástica mestura polo que ao goce de ler engadímoslle o gusto de escoitar e mesmo de cantar. Velaí unha saborosa receita:Contos en cantos, a primeira obra da nosa compañeira, que nos fixo disfrutar de moi bos momentos a pequenos e a grandes.
E gracias á súa xenerosidade agora temos esta nova canción que conta, nun tono acorde ao público que vai dirixida, unha historia para a reflexión, que nos axudará na inexcusable tarefa de educar para a igualdade.
Aquí está:
María, Iván,Uxía, Noelia, Fátima, Antía A., Jessica, Miriam, Silvia, Laura, Paula, Xiana e Antía F. axudarán durante os recreos na biblioteca. Grazas a todos.
A Federación de Gremios de Editores de España (FGEE) presentou o Barómetro de Hábitos de Lectura eCompra de Libros correspondente ao segundo cuatrimestre do ano 2010.
O 23 de abril celébrase o Día Mundial do Libro e do Dereito de Autor, a instancias da UNESCO, retomando así unha vella celebración catalana. Lemos na declaración de Irina Bukova, directora xeral deste organismo internacional: "Os libros son á vez obras de arte e ciencia, e vectores de ideas. Plasman de maneira magnífica as diversidades creadoras. Conducen ao coñecemento universal e participan no diálogo entre culturas. Son instrumentos de paz".
As bibliotecas escolares galegas ferven nestes días con actividades para a posta en valor do libro e da lectura. Todo o ano se traballa para a formación das lectoras e dos lectores, pero nestes días ese traballo toma forma e inunda biblioteca, corredores e aulas. A imaxinación e o coñecemento do profesorado ponse de manifesto en actividades orixinais e ben construídas para fomentar a lectura pero tamén se saben aproveitar iniciativas alleas, sumando vontades para a construción da sociedade lectura, na que tod@s estamos involucrados. Así, máis de cen bibliotecas escolares recolleron a proposta da ONG galega, Implicadas no Desenvolvemento, e están a difundir, mediante unha exposición, as respostas de moitas persoas procedentes de distintos sectores da cultura, á pregunta PARA QUE LES? Nalgúns centros esta proposta se modifica e son os membros da comunidade educativa os que responden esta cuestión. O obxectivo comun: a difusión da experiencia lectora. Hai noticia desta exposición en moitos dos blogs das bibliotecas escolares galegas (PRIMARIA - SECUNDARIA). Unha visita a estes espazos virtuais pode dar unha idea da inmenso movemento a favor da lectura que se está a producir nos centros de ensino galegos. Visto en Bibliotecas Escolares.
Celebramos o Día Internacional do Libro Infantil e Xuvenil.Todos os anos, o2 de abril, o IBBY (International Board on Books for Young People) celebra o Día Internacional do Libro Infantil e Xuvenil, co fin de conmemorar o nacemento do escritor danés Hans Christian Andersen. Cada ano é un país membro da organización Internacional o encargado de editar o cartel anunciador e a mensaxe dirixido a todos os nenos do mundo. Este ano 2010 encargase España. O cartel fixoo Noemí Villamuza e a mensaje é de Eliacer Cansino.
O 14 de febreiro, día de S. Valentín, os nenos e as nenas recibiron os poemas dos seus admiradores secreto. Houbo moitas sorpresas.
14 feb 2010
ENTROIDO DE MIL DE AMORES O venres celebramos o Entroido 2010. O patio encheuse de " Romeos e Xulietas", "Noivos e noivas", " Sandy e Danny " da película Grease, "Parellas de Cine", "Aladdin e Jasmine" e "Pocahontas e Mr. Smith". Pasámolo xenial!!!!!!!!!!!!!!!
Mercedes Peón é unha cantante e instrumentista galega. Fíxose moi popular como presentadora do programa de entretenimento Luar (TVG) no que traballou mostrando as súas investigacións de máis de 10 anos percorrendo as aldeas galegas na busca da tradición oral e as músicas máis ancestrais. As súas primeiras gravacións foron colaboración con outros artistas galegos como Xosé Manuel Budiño, Os Diplomáticos de Monte-Alto ou co antigo grupo de Manu Chao, Mano Negra. Nesta altura formou o grupo Ajrú, co que únicamente gravaría uns temas recollidos no compilatorio Naciones Celtas II. Probablemente o seu tema máis popular sexa o tema principal da serie Mareas vivas (TVG). Mercedes Peón participou en dúas edicións do Festival de Ortigueira, nos anos 2002 e 2007.
Aquí están os gañadores do concurso de colgaportas celebrado no primeiro trimestre. Noraboa!!!! e ao resto animádevos a participar. Haberá máis concursos.
