Ler, pensar, escribir, compartir e participar.

19 dic 2007

Papa Noel e o Reis Meigos seguro que che agasallan cun libro, porque eles saben o que é bo para tí.
Á volta das vacacións trae os teus libros novos (co teu nome) con eles faremos unha exposición.
Gustarache velos expostos. Ánímate a pedir libros con eles disfrutarás, con eles aprenderás.

Este Nadal ademáis de turrón.
¡Libros a mogollón!
Empáchate de boas lecturas este Nadal
Feliz Nadal e Boas Lecturas.

9 dic 2007

10 decembro : Día dos Dereitos Humáns



Os Dereitos Humanos
Os Dereitos Humanos son o conxunto de prerrogativas inherentes á natureza da persoa, cuxa realización efectiva resulta indispensábel para o desenvolvemento integral do individuo que vive nunha sociedade xuridicamente organizada. Estes dereitos, establecidos na Constitución e nas leis, deben ser recoñecidos e garantidos polo Estado. Poderiamos dicir mesmo que son aquelas esixencias que agroman da propia condición natural do home.

Cando falamos da palabra “dereito” facemos fincapé nun poder ou facultade de actuar, un permiso para obrar nun determinado sentido ou para esixir unha conducta doutro suxeito. E son chamados “humanos” porque son do home, de cada un de nós. O home é o destinatario destes dereitos. E así, reclaman recoñecemento, respecto e promoción por parte de tod@s e especialmente da autoridade. Por iso, estes dereitos son inherentes e inalienables. Os dereitos humanos son universais porque pertencen a todos os homes, a todos por igual, en todo tempo e lugar; atópanse de xeito innato ligados á natureza do home. Deben ser o piar das comunidades.

Porén, non son realmente respectados, existindo toda clase de violacións: privacións das liberdades fundamentais, torturas, imposibilidade de acceso aos servizos de saúde e auga potábel, uso de minas antipersoais, discriminación e actos terroristas que xeran catástrofes, xenocidio, nenos soldado, etc.

Ás veces, esquecémonos do realmente importante, ocupados como estamos no noso devir cotián. Son as cousas e as persoas cercanas as que realmente nos importan, as que nos fan sufrir ou aledarnos. Pero tamén sabemos que o noso oficio, o noso traballo, a nosa dedicación primeira e fundamental é formar a unha serie de persoas-proxecto, o cerne do futuro, as xeracións que poderán facer do mundo do mañá un universo máis xusto no que habitar. Somos educadores, e como tales, priorizamos tarefas como a que agora nos une. Debemos procurar que o noso alumnado reteña na súa retina e na súa memoria que días como o 25 de novembro, o 30 de xaneiro, o 8 de marzo… días coma o de hoxe existen porque hai persoas que sofren unha penuria diaria que contravén o espírito do ser humano que deberiamos abandeirar. É o noso labor tentar que eses sufrimentos non existan, que deixen de existiren eses días porque a sociedade do futuro, esa na que tanto temos nós que dicir –non o esquezamos, co noso propio exemplo- non as procura, non as necesita.

Por esta razón, aquí estamos, de novo, unidos por unha nova causa común, o Día dos Dereitos Humanos, denunciando a súa violación. Vímolo facendo dende hai tres días. Resulta, sen lugar a dúbidas, moi clarificador, que os nosos blogues estean unidos desde esas datas. Emotivo. Significativo. É o noso desexo seguir a loitar unidos. E conseguirémolo.


CARTEIS CONTRA AS VIOLACIÓNS DOS DDHH




Dignidade e Xustiza para todos nós!!

Pica na cita e verás unha presentación feita con debuxos realizados polo alumnado de Infantil e Primaria

"Os Dereitos Humanos son os nosos dereitos. Tomémolos, defendámolos, promovámolos, esntendámolos e insistamos neles. Nutrámolos e enriquezámolos...Son o mellor de nós. Deámoslles vida" (Kofi Annan)

24 nov 2007

25 novembro

Neste día no que se celebra o Día Internacional da Non violencia contra as mulleres, queremos reflexionar sobre iso. E un xeito de facelo é a través dos contos, que nos contan historias de cada día, nas que se emprega a violencia contra as mulleres dunha maneira cotiá, moitas veces sen nos decatar.
Gustaríanos non ter que celebrar un día coma este.
Gustaríanos que nenos e nenas se relacionasen sen que a diferenza de sexo marcara nada importante.
Gustaríanos que homes e mulleres falaran, falaran e falaran para resolver os seus desencontros, como lles obrigamos a facer na escola aos nenos e ás nenas.
Gustaríanos que cada quen soubese onde rematan os seus dereitos e onde comezan os da persoa que ten á súa beira.
Gustaríanos que ninguén usase a súa forza nin física, nin laboral, nin económica… contra as mulleres para conseguir os seus propósitos.
Gustaríanos que no vindeiro 25 de novembro homes e mulleres atopasen o entendemento e non ter que chorar máis vítimas.
Gustaríanos que os contos se fixesen realidade .

20 nov 2007

Os que máis len

Os que máis len: nenas e nenos entre 10 e 13 anos
Actualidade | Fomento da lecturaA Federación de Gremios de Editores de España vén de facer públicos os resultados do Barómetro de Hábitos de Lectura y compra de Libros correspondente ao terceiro trimestre de 2007. Consolídase o grupo de nenas e nenos entre 10 e 13 anos como o sector da poboación que máis le: 9 de cada 10 nenas e nenos desta idade decláranse lectores; a maioría le por elección propia e porque lles gusta.

Un dato significativo é que o 94,5% dos nenos e nenas enquisados afirman que no seu colexio os profesores lles animan á lectura.

Outro dato importante: nos fogares destes lectores, o 73,4% dos pais len de forma cotiá e un 80,7% mercoulles ou regaloulles libros no último ano.

O mesmo estudio sinala que entre a poboación lectora maior de 14 anos (o 57%), o grupo de poboación que máis le son os mozos entre 14 e 24 anos, que o fan nun 70,2%

Non debe pasarse por alto outro dato deste barómetro, o que indica que só escolle o galego para as súas lecturas un 0,1% da poboación lectora. Por último, un vistazo á lista dos libros máis lidos en xeral, e entre os máis novos en particular, chama a unha reflexión á hora de preparar seleccións de lecturas e itinerarios lectores para o noso alumnado, co fin de mellorar a súa competencia literaria.

Día Internacional dos dereitos dos nen@s

15 nov 2007

Carta ás familias

Neste curso 2007-2008 o noso colexio foi incluido no PLAN DE MELLORA DE BIBLIOTECAS ESCOLARES promovido pola Consellería de Educación .

Grazas a esto recibimos unha dotación económica que nos está permitindo facer unha serie de cambios no equipamento e na ampliación-renovación dos fondos bibliográficos, ademais de promover actividades que incidirán na formación do alumnado e que implican a toda a comunidade escolar.

O proxecto titúlase “ UNHA VIAXE POLO MUNDO…COS LIBROS ”

Ó longo do curso faremos diversas actividades nas que precisaremos da vosa colaboración.

Como inauguración do proxecto os vosos fillos e fillas levarán unha carpeta para que a forredes na casa,. Esta carpeta deberá estar pronto de volta no colexio, xa que nela arquivaremos as actividades da biblioteca.

Para rematar, invitámosvos, a participar connosco nesta actividade. A lectura pode servir para aumentar a colaboración entre as familias e o colexio, o que, sen dúbida, favorecerá o desenrolo académico dos vosos fillos e fillas.

É importante crear un bo clima que favoreza a lectura. Por iso, dende o colexio, queremos buscar a vosa colaboración e implicación e propoñemosvos ler na casa, disfrutar das lecturas cos fillos e fillas, comentalas… Trátase de compartir un pouco do voso tempo.

Un saúdo e BOAS LECTURAS


O EQUIPO DA BIBLIOTECA




NOTA:Ó rematar as obras a biblioteca estará aberta durante o horario lectivo e os martes pola tarde de 4 a 6 para préstamos externos.

14 nov 2007

A nosa mascota


Rapochá é a mascota da Biblioteca do CEP Igrexa-Valadares dende a curso 2.000-01. É un marcapáxinas, que foi escollido polos alumnos do colexio, despóis dun concurso.
Envía cartas, recomenda libros, convoca os concursos , pero sobre todo anima a LER.

13 nov 2007

Biblo en obras

A biblio de Valadares está en obras, pero seguimos facendo outras actividades de cara á mellora doutros ámbitos que, tamén forman parte deste proxecto; lemos nas clases os libros das bibliotecas de aula, contamos contos, lemos poesía, elaboramos historias, catalogamos e forramos libros, buscamos libros de lectura co tema das viaxes e os contos tradicionais, visitamos librerías, como di Pilar: " Isto é unha carreira de fondo..." Non temos o espazo físico, pois hai moitos lugares para ler. Penso que nos atopamos no bo camiño. Boas lecturas.

11 nov 2007

VIVAMOS COMO GALEGOS

Nova campaña publicitaria dunha cadea de supermercados. Fantástica!

10 nov 2007

Fina Casalderrey


A biblio de Valadares leva o nome de Fina Casalderrey. Hai dous cursos que Fina visitounos para inagurar a nosa biblioteca. Grazas, Fina.

9 nov 2007

Isto é unha proba

Ó chegar a casa despóis do obradoiro de blogs escolares con o "inernauta bloggero" A. Alonso, pensei que o cole de Valadares tiña que engancharse a esta ferramenta. Hai mais de 35 blogs de bibliotecas escolares e máis d 100 sitios web, non debemos quedar atrás - non é así Rocío, se poden nós tamén - imos a por todas. Saúdos e tempo para ler e vivir.