Ler, pensar, escribir, compartir e participar.

25 nov 2008

Fina Casalderrey escribe sobre a "violencia de xénero"



"Xela volveuse vampira" de Fina Casalderrey publicado por Baía Edicións dentro da colección Contos para igualdade.
Xela é a mellor mestra do mundo! Mais semella unha morta vivente de ollos violeta que pousan acotío no chan. Estarase a volver vampira? Breixo tentará descubrilo. Xela coa axuda dos seus alumnos sairá dunha situación moi dura.
25 de novembro "Día contra a violencia de xénero"

24 nov 2008

Opera no cole.


Xa levamos cinco semanas escoitando música na entrada e na saída das clases.
Esta semana escoitaremos unha muller, Victoria de los Ángeles, cantando opera.
Antes das vacacións de Nadal, haberá un concurso con preguntas dunha das pezas escoitadas durante estos dous meses.

Os gañadores (un por cada ciclo) recibirán un CD de agasallo.
Estade moi atentos.
Todas as audicións están no blog. Só tes que consultar as entradas deste mes de novembro e do vindeiro mes de decembro.
Escoita e busca información.

14 nov 2008

Hoxe imos de Magosto ao Monte dos Pozos





Co bo tempo subiremos ao monte para facer o tradicional magosto que celebramos todos os anos. Sairemos ás 10, andando, cando cheguemos, xogaremos e os grandullóns axudarán a facer unha fogueira para asar as castañas. Continuaremos cos xogos e comeremos as castañas ben quentiñas. Ao final da mañán baixaremos, lixeiros de volta ao cole.
Pasarémolo moi ben!!!!!

Este curso temos un proxecto na biblioteca co título: "Para medrar pon libros na túa dieta", xunto cos libros traballamos a alimentación e unha dieta saudabel.
A castaña é un bó alimento con moitas propiedades, así que ESCRIBIDE unha receita con castañas como ingrediente principal e deixala na biblioteca antes do 28 de novembro. Vale?

Preme en castaña e obterás mais información.

31 oct 2008

24 oct 2008

O día das bibliotecas,abrimos a nosa biblioteca

Día da Biblioteca.Feliz Aniversario.


Texto de Agustín Fernández Paz.
Ilustrado por Xosé Cobas.

ABRE AS PORTAS e entra.Entra neste espazo que agarda por ti, neste ámbito onde cada palabra é un don que recibimos como agasallo...deixate levar polo río de recendos que anuncia os tesouros da biblioteca...
ONDE HAI UNHA BIBLIOTECA HAI UNHA LUZ.

23 oct 2008

Noraboa: Agustín!!!


Hoxe conecimos a noticia da concesión do Premio Nacional de Literatura Infantil e Xuvenil 2008 a Agustín Fernández Paz, pola súa novela "O único que queda é o amor" publicada por Xerais.

Son historias de amor que unen a vida dos personaxes do libro: Diana, Sara, Pablo, Laura, Adrián,...todos se namoran e descubren que o amor é un sentimento poderosísimo.

Gústache o tema?
Búscao na biblio.
A partires do luns comenza o préstamo de libros na biblioteca escolar.
Anímate e le.

21 oct 2008

Faltan dous días para abrir a biblioteca


Próximamente mais novas. Segue conectado... Haberá moitas sorpresas.

20 oct 2008

I Mes Internacional da biblioteca escolar


O comité executivo da IASL aprobou o cambio do "Día Internacional da biblioteca escolar" polo "Mes Internacional da biblioteca escolar" pasando a celebración ao mes de outubro de cada ano. Este cambio permitirá aos responsables das bibliotecas escolares de todo o mundo, elexir o día de outubro que se adapte mellor as súas necesidades. O lema escollido para este ano é

"A alfabetización e a aprendizaxe na biblioteca escolar".
A comer!
Metodo Estivill para ensinar a comer.
Montse Doménech.
Ed. Plaza y Janés. Barcelona 2004.
O obxectivo é que o nen@ teña unha actitude positiva ante a comida...

19 oct 2008

16 oct 2008

Fritolimpio


Que fago co aceite despóis de fritir?
Non o tires polo inodoro, nin polo fregadeiro...
Fritolimpio pode ser unha solución...

15 oct 2008

"Para medrar pon libros na túa dieta"

16 outubro
Día Internacional da Alimentación.
Só un dato... con parte dos cartos que se darán aos bancos que están en crise, poderíanse alimentar a todos os cativos e as cativas que pasan fame no mundo. É unha reflexión, sen mais.


Unha selección de libros sobre alimentación.

9 sept 2008

Faltan 2 días para o comenzo das clases


Ola a tod@s!

Xa estamos de novo aquí. Coas "pilas" recargadas despois do verán e con moitas gañas de traballar!!!

Estes días preparamos a biblioteca para gozar dela ao longo do curso.

Vémonos o xoves!