bibliovaladares: Premio Nacional de Literatura Infantil

8 oct 2015

NORABOA á escritora viguesa Ledicia Costas,

Foto Xerais	A escritora viguesa Ledicia Costas obtivo o Premio Nacional de Literatura Infantil e Xuvenil na súa edición 2015 pola súa novela "Escarlatina, a cociñeira defunta". Este galardón do Ministerio de Educación, Cultura e Deporte distingue unha obra de autor español, escrita en calquera das linguas oficiais do Estado e editada en España durante o pasado ano 2014. A dotación económica do premio é de 20.000 euros.
O Xurado decidiu premiar a obra de "Escarlatina, a cociñeira defunta" por ser "unha obra extraordinaria, humorística e rompedora no contexto da literatura infantil e xuvenil actual que destaca tamén pola súa fácil lectura, polo seu humor escalofriante, e pola habilidade para desmitificar o mundo da morte".